Елімізге білікті де білімді исламтанушылар мен дінтанушыларды даярлап келген Нұр-Мүбарак университеті енді теологтарды даярлай бастамақ.

Себебі зайырлы елімізде барлық діндерді және ислам дінін жете білетін мамандардың қажеттілігі артып келеді. Сондықтан кез келген дін маманы ислам дініне де жетік болуы шарт. Осы орайда Нұр-Мүбарак университеті қоғам талап еткен теологтарды даярлауды қолға алды.

"Кез келген талапкер мамандық таңдар кезде «болашақта жұмыс таба аламын ба?» деген сұрақты да қатар ойлануы заңдылық.  Осы орайда «теолог» мемлекеттік қызметкер, тәуелсіз сарапшы, діни қызметкер ретінде бірнеше мемлекеттік мекемелерде еңбек етіп, қазіргі кезеңдегі жұмыс берушілердің басты талаптарына жауап бере алатын білікті маман даярлауды көздеп отырмыз. Мамандардың жұмыспен қамтамасыз етілуі қоғам талабы мен еңбек нарығының сұранысына сай. Ал Нұр-Мүбарак университетінің ерекшелігі, теологтардың ислам дінінен де мықты сауаты болуына ерекше назар аударады. Өйткені біздің қоғамның талабы сол",-деді  проректор, доцент Қайрат Құрманбаев.