ҚМДБ-ның Қызылорда облысы бойынша өкілдігінің ұйымдастыруымен Республикалық ақпараттық насихат тобының (РАНТ) мүшесі Бауыржан Әбдуәлі Сыр жамағатымен кездесті.

Екі күн қатарынан Қызылорда қалалық «Нұр» және «Ыбырайым молда» мешіттерінде құптан намазының алдында жамағаттармен өткен кездесуде  РАНТ мүшесі Б.Әбдуәлі Алла Тағаланың адамға берген «есту» нығметі, «қарым-қатынас жасау әдебі»,  «жәннатқа жетелеуші амалдар» тақырыптарында әсерлі уағыз айтып, дінді насихаттаушы көркем мінезді мұсылманның тұлғасын сипаттап берді. Сұхбат соңында жамағаттың көкейтесті сұрақтарына тұщымды жауап берілді.