Маңғыстау облыстық орталық мешітінде «Ислам және жастар» жылы аясында Маңғыстау облысының өкіл имамы С.Сейтбеков мешіт жанынан құрылған ерікті жастармен кездесті.

Өкіл имам жиналған жастарға жастық шақта уақытты тиімді пайдалану, денсаулықтың қадірін білу, білім алу, Отанға қызмет ету, ата-ананы құрметтеу турасында мағыналы насихат айтып, Исламдағы жастардың орнын айтып берді.

Кездесу барысында жастарда өз ойларын ортаға салып, рухани бас қосуда бір-бірлерін жақсылыққа шақырып, жандарына рухани азық алып қайтты.