ҚМДБ-ның Қызылорда облысы бойынша өкілдігі, "Ақмешіт-Сырдария" орталық мешітінің ұйымдастыруымен бастау алған әр аптаның сенбі күні өткізілетін дәстүрлі "Балқымыз" шарасына келуші жамағат саны күннен күнге артуда.

Бүгінде "Балқымызға" келіп жүрген 150-ге жуық жамағатқа Өкіл имам Болатбек Ұласқанұлы бастаған қала мешіттерінің имамдары мен ұстаздары әртүрлі тақырыпта уағыз айтып, тұрақты түрде насихат жұмыстарын жүргізуде.

Шараның мақсаты - "Бірлігі жарасқан жамағат" ұранымен қаладағы барлық мешіт жамағаттарының ынтымағын арттыру және ұлттық құндылықтарымызды насихаттау.