ҚМДБ-ның Қызылорда облысы бойынша өкілдігінің ұйымдастыруымен бастау алған «Жүрек жылуы» қайырымдылық акциясы өз жалғасын табуда.

Атап айтар болсақ, «1-наурыз Алғыс айту» күніне орай «Ақмешіт-Сырдария» орталық мешітінде әлеуметтік жағдайы аз қамтылған отбасыларға кезекті қайырымдылық көмек көрсетілді.

Өкіл имам Болатбек Ұласқанұлы «адамға алғысы болмағанның Аллаға шүкіршілігі азаятындығы» жөнінде насихат айтып, жалған өмірдің сынағына мойымай қайсарлық танытып жүрген батыр аналарға алғыс білдірді. Сөз соңында әлеуметтік жағдайы аз қамтылған 30 отбасыға бір айлық азық-түлікті үлестірді.

Сонымен қатар, аталмыш күннің құрметіне орай, «Ерназар Мақсұм» мешіті 150 адамға ас берді және 22 отбасыға, Сырдария аудандық «Мұсылмандар» мешіті 15 отбасыға, қалалық «Сұлтан» мешіті 15 отбасыға, «Мүсірәлі ата» мешіті 20 отбасыға 1 айлық азық-түліктерін табыстаса, «Нұр» мешіті жамағаты 180 адамды түскі аспен тегін тамақтандырды.