Жәрмеңкенің өтуіне мешіт ұстазы Динара Құтқожақызы мен әйел жамағаты, қыз балалардан құралған шәкірттер толықтай ат салысты.

Қайырымдылық жәрмеңкесі аясында мешіттің әйелдер секторында тәлім алатын шәкірттер мен «Жібек» қыз-келіншектер клубының мүшелері өз қолдарымен дайындаған тағамдар, тәттілер, тоқаштар мен басқа да бұйымдар сатылды.

Шараның мақсаты – жәрмеңке қаражатымен мұқтаж жандарға қайырымдылық көрсету.

Түскен қаражатты мешітімізге тіркелген тұрмысы төмен отбасыларға, ауыр сырқатқа душар болған жандардың дәрі-дәрмектеріне, ота жасауына көмек ретінде үлестірілетін болады.