ҚМДБ-ның Шариғат және пәтуа бөлімінің меңгерушісі Сансызбай Шоқанов Шымкент қаласы, Қаратау ауданы, Сайрам тұрғын үй алабы «Сайрам жәми» мешітінде «Бір мешіт, бір жамағат, бір үмбет" жобасы аясында ақшам уағызын жүргізді.

Уағыз барысында Сансызбай Шоқанов еліміздің амандығы мен тыныштығы, бірлік пен тірлік, жастар тәрбиесі, дін мен салт-дәстүрдің сабақтастығы, түрлі кереғар ағымдардың алдын алу сынды өзекті тақырыптар төңірегінде уағыз айтып, қатысушылар тарапынан қойылған сұрақтарға жауап берді.

Кездесу барысында осы өңірден өткен Ибрахим ата, Қарашаш ана, Қ.А.Ясауи бабаның рухтарына Құран бағыштады.