Өткен жылдан бері, ҚМДБ-ның Талдықорған өңірі бойынша өкіл имам Ардақ Нүсіпханұлының арқау болуымен басталған қоғамға мейірімділік, «Жақсылықта жарысайық» науқаны аясында Талдықорған өңірі өкілдігі Жастар ісі секторының ұйымдастырумен кешкі уақыттарда күннің қатты суытуына байланысты көшеде көлік тоқтатып тұрған және қоғамдық көліктерді күтіп қалған қала тұрғындарын тиісті мекен-жайларына тегін жеткізу акциясы жүзеге асырылды.

Акцияның басты мақсаты - аязды күндерде көмекке мұқтаж адамдарды қолдау. «Иман» мешітінің тұрағында акцияға қатысуға ниет білдірген мешіт жамағаттарына арнайы жүру жолдары түсіндіріліп, «Тегін такси» логотипін жапсырдық. Бұл автокөліктерді тұрғындар бірден байқайтын болады.