ҚМДБ-ның Шымкент қаласы бойынша өкілдігінің ұйытқы болуымен имамдар арасында салауатты өмір салтын қалыптастыру мақсатында мешіт имамдары мен Жастар ұйым өкілдері арасында футболдан турнир ұйымдастырылды.

Негізгі мақсат - имамдарымыздың бос уақыттарын тиімді пайдаланып, денсаулыққа мән беру, әріптестік қарым-қатынасты нығайту болып табылады. Ұйымдастырылған шараға «Ақмешіт», «Абай», «Әл-Фараби», «Еңбекші» және «Қаратау» футбол командалары сайысқа түсті.

Аталмыш ойын бір ай бойы жалғасын тауып, нәтижесінде «Еңбекші» командасы бірінші орынға ие болды. Екінші орын «Әл-Фараби», ал үшінші орынды «Ақмешіт» командасы ие болды.

Сонымен қатар, алдағы ойындарға имамдар мен бірге мешіт жамағаты, оның ішінде жат ағымда жүрген бауырларымызды тартып, оларға асыл дініміздің құндылықтарын насихаттау жұмыстарын жүргізу көзделуде.