ҚМДБ-ның Қызылорда облысы бойынша өкілдігінің ұйымдастыруымен «Ақмешіт-Сырдария» орталық  мешітінде молдалар жиыны өтті.

Жиынның басты мақсаты аймақтағы молдалық қызметті бірізділікке қойып, қадағалауды күшейту болып табылады.

Аталмыш жиынға ҚМДБ-ның Қызылорда облысы бойынша Өкілі Болатбек Ұласқанұлы, қалалық мешіт бас имамдары мен молдалары қатысты. Жиын барысында Өкіл имам діни рәсімдер мен жөн-жоралғыларды жүзеге асырудағы молдалық қызметтің  маңызы мен жауапкершілігін түсіндіре отырып, асыл дінімізді көркем түрде насихаттау, мәртебісін биік ұстау - мұсылманның міндеттерінің бірі екенін атап өтті. Және де  «тазалық», «мінез-құлық», «жинақылық», «сауаттылық», «сөз саптау» секілді молдаларға қойылатын негізгі талаптардың сақталуы ескертілді.

Сонымен қатар, алдағы уақытта облыстағы молдаларға арналған арнайы оқыту курсы ұйымдастырылып, білім жетілдіру сабақтары өткізілетінін хабарлады.