ДІНИ МЕРЕКЕЛЕР 
Шығыс Қазақстан облыстық «Халифа Алтай» мешітінің баспасөз қызметі
08.01.2019
3131
0 пікір
ҚМДБ Өскемен аймағы өкілдігінің ұйымдастыруымен шығыста Қазақстан мұсылмандары діни басқармасының төрағасы, Бас мүфти Серікбай қажы Ораз хазіреттің «Ұлы дала төсіндегі Ислам» кітабы бойынша «Рухани орындарға сапар» жобасы басталды.
Жобаның мақсаты: «Ұлы дала төсіндегі Ислам» кітабы бойынша ұлт тарихындағы айырықша маңызға ие орындарға саяхат сапарын ұйымдастыру арқылы жас жеткіншектерге ұлт тарихынан көлемді мағлұмат бере отырып, отаншылдық сезім қалыптастыруға бағытталады.
Шараны ұйымдастырушылар:
«Шараға 9-10 сынып оқушылары аталған кітаптың ішінен бір тақырып бойынша эссе жазып, сайысқа түседі. Шығарманы кәсіби қазылар алқасы бағалап, жүлделі орындарға ие болған 30 оқушы Алматы, Түркістан, Ташкент, Самарқан, Бұқара бағытына рухани сапарға шығады. «Ұлы дала төсіндегі Ислам» кітабы барлық аудандық, қалалық мешіттердің кітапханаларына таратылды. Қажетті ақпараттарды мешіттерден алуға болады» дей келе, аталған бұл бірегей жобаның болашағымызды берік ұстайтын, отаншыл жас буынды тәрбиелеуде аса маңызға ие екендігін жеткізді.
Қазіргі таңда оқушылардың жазған шығармалары қабылданып жатыр. Осынау кемелді жобаның жүзеге асуы еліміздің ертеңгі жас ұландардың таным көкжиегінің кеңейе түсуіне зор ықпал болары анық.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру