Медресе директоры Маханбет Пірманұлы сұхбат алдында шәкірттерге Қазақстанның тәуелсіздігі алынған жылдан бастап еліміздегі мешіттер мен медреселердің көптеп ашылуын ерекшелеп айтып, сөз кезегін Бақытжан Меңлібекұлына берді.

Кездесу барысында Бақытжан Меңлібекұлы «Қазақстанның Тәуелсіздігі», «Қазақстанның Дін саласындағы жүргізілген саясаты», «Болашаққа бағдар Рухани Жаңғыру» тақырыптарында баяндама жасап, болашақта  имам  болатын шәкірттерге тағылымы мол өсиеттері мен даналық ойларымен, кеңестерімен бөлісті. Әсіресе, Қазақстан ширек ғасырлық тәуелсіз даму барысында мемлекет пен дін арасында, сондай-ақ әртүрлі діндераралық қарым-қатынастар мен бір дін ішіндегі байланыстарда өзіндік тәжірибеге ие болып келе жатқанын, конфессияаралық диалог пен рухани келісімді жетілдіруге қосқан еліміздің үлесін атап өтті.

Сонымен қатар, келешегіміз болған жастарды отанды сүюге, тәулсіздіктің қадір-қасиетіне жете білуге, жалпы халық болып тәрбиеленуге үндеді.