Нұр-Мүбарак университетінің студенттерінің жан-жақтылығын арттыру үшін негізгі дәрістерден өзге уақытта қоғам қайраткерлері, шығармашылық өкілдері, т.б. еңбегімен елге танылған тұлғаларды шақырып танымын арттыруда. Осы мақсатта Қазақстан Журналистер одағы сыйлығының лауреаты, көптеген публицистикалық мақалалар, жұртқа танымал жобалардың авторы, «Президент және халық» газетінің Бас редакторы Марат Тоқашбаев шақырылды. Елағасы жайлы университет проректоры, доцент Қ.Құрманбаев қысқаша таныстырып өтіп, жастарға ақыл-кеңес айтуға уақыт бөліп келгеніне орасан алғысын білдірді. Марат Тоқашбаев мырза да Нұр-Мүбарак университетінің студенттерді қоғам өкілдерімен кездестіруі құптарлық іс екендігіне тоқталып, салиқалы сұхбатын бастап кетті:   

Кездесу соңында ұйымдастырушылар алғыс білдіріп, Құран мен университет сыйкәдесін ризашылықпен табыс етті.