Бүгін ҚМДБ-ның Шымкент қаласы бойынша өкілдігінің бастамасымен қала аумағындағы мазарлар мен зират орындарын таза ұстау, қабірді зиярат ету тәртібін түсіндіру мақсатында «Өткенге құрмет – елге құрмет» деген атпен тазалық шарасы ұйымдастырылды.

Аталмыш шараға Шымкент қаласында орналасқан Абай, Әл-Фараби, Еңбекші және Қаратау аудан  әкімдіктері,  «Достық» университеті, «Парасат» колледжі, «Шымкент» медресе колледжінің ұстаздары мен студенттері,  мешіт қызметкерлері, қала тұрғындары  т.б. азаматтар қатысты.

Ұйымдастырылған тазалық шарасына қалалық «ЛТД-тұрмыс» ЖШС сынды тазалық мекемелерінің тарапынан жүк көліктері т.б. техникалар жұмылдырылды.

Өкіл имам Бақтыбай Қыдырбайұлы Шымкент қаласы аумағындағы 36 зират орындарында апта сайын тазалық күндері өткізілетіндігін хабар етіп, қабірлерді зиярат ету ережелері мен тәртіптерін кеңінен түсіндіріп берді.