Қазақстан мұсылмандары діни басқармасына қарасты Алматы қаласындағы «Имамдардың білімін жетілдіру ислам институтының» білімін жетілдіруші имам-молдалары, ғалым ұстаздар Шымкент қаласының орталық мешітін зиярат етті. Алыс-жақын шет елдерден, яғни  Ресей және Монғолия елдерінен және Қазақстаннан келген 50 имам-молдалар, ғалым ұстаздар жаңа мегаполистің бас «Халифа Ән-Нахаян Ақмешітін» тамашалап шықты.

Қонақтарды Шымкент қаласы бойынша өкіл имамның орынбасары Ахметжан Керімбек күтіп алып мешіттің тыныс-тіршілігімен таныстырып, мешіттің тарихынан хабардар етті.