Қарағанды облыстық «Әйелдер-қыздар» секторының ұйымдастыруымен ҚМДБ-ның Қарағанды облысы бойынша өкілдігі «Ислам және отбасы» жылы аясында Қарттар күнін атап өтті.

Қалалық «Бала қажы» мешітінде қарттарға ас беріліп, үлкендерімізге сыйлықтар табыстылды. Қарағанды облысы өкілдігінің «Әйел-қыздар» секторының ұстазы Бақытгүл Айтқалиқызы мешіт шәкірттері арасындағы қарт әжелерге арнайы сый-сияпаттармен құрмет көрсете келе ақ тілегін айтты.

Шара  соңында қариялар мен әжелер имамдарға, мешіт қызметшілеріне алғыс айтып, ақ баталарын берді.