Курс қатысушыларына қалалық «Мүсірәлі Ата» мешітінің Бас имамы Б.Арынов «Ақида», облыстық «Ақмешіт-Сырдария» орталық мешіті жанындағы «Құран жаттау» орталығының ұстазы М.Әбжәлелов «Құран», Қызылорда облысы бойынша «Әйелдер-қыздар» секторының жетекшісі Л.Сыдықова «Сабақ берудің әдістемесі» пәндері бойынша сабақ беріп, қыр-сырымен бөлісті.

Әдістемелік курстың қорытынды сабағында Өкіл имам Болатбек қажы Ұласқанұлы ұстаздарға сертификат табыстап, болашақта білікті кадр дайындау үшін осы типтес түрлі оқу-семинарлар ұйымдастыру жоспарда бар екенін жеткізді.

Екі айға созылған курста өзара тәжірибе алмасып, білімдерін жетілдірген ұстаздар аталмыш курстың қызметтеріне тигізер пайдасы мол екенін жеткізіп, Өкіл имамға алғыстарын білдірді.