ҚМДБ-ның Талдықорған өңірі бойынша өкілдігі ұзақ қашықтыққа жүгіруден марафон өткізді. 4 шақырымға созылған жарыс додасына 200-ден астам желаяқ қатысты. Өңірдің өкіл имамы мен қала имамдары да қатысып, спорттан алыс емес екендігін дәлелдеді. Сайысқа бағын сынауға келген атқамінер ағаларымыз бен аты әлемге танымал спортшылармыз да үздіктер қатарын толықтырды. 18 жастан жоғары деп алынған жүзден жүйрік шыққан қатысушылар жүлделі орындарға ие болып, шипажайға жолдама, электросамокат сынды сыйлықтармен марапатталды.

Бас аяғы 200-дан астам қатысушыға белсенділігі үшін сыйлықтар үлестірілді. Осы үрдіспен марафон жарысын жылда өткізу алға қойылды.