Қызылорда облысы, Шиелі ауданына қарасты Досбол би ауылында жаңа құлшылық үйі бой көтеріп, қасиетті мерекеде ауыл тұрғындарына арналған ерекше сый-тарту болды.

Жергілікті кәсіпкерлер мен ауыл тұрғындарының жинаған қаражатына салынған жаңа мешітке «Досбол Датқа» атауы берілді. Мешіт сыйымдылығына келер болсақ, құлшылық үйі 150 шақты адамға  арналған.

Ашылу салтанатында облыстық «Ақмешіт-Сырдария» орталық мешітінің ұстазы, қари Ш.Садуов Құран Кәрім аяттарын оқыған соң, ҚМДБ-ның Қызылорда облысы бойынша өкіл имамы Болатбек Ұласқанұлы сөз алып, аймақ халқын мерейлі мереке күнінде еселенген қуаныштарымен құттықтады.

Ел игілігіне берілген мешіт халыққа қызметін бастап кетті.