Ақжайық жамағаты айттың алғашқы күні "Орал" орталық мешітіне жиналып, айт намазына қатысты. Айт намазы Оралда таңғы сағат жеті он бесте оқылды. ҚМДБ-ның БҚО бойынша өкіл имамы Еркебұлан Ыбырайымұлы жамағатты құрбан айт мерекесімен  құттықтады.

Облыстың бас имамы Еркебұлан Қарақұловтың айтуынша, арапа күні Орал қаласындағы «Тәжіден Батырұлы» атындағы мешіті мен Зеленов ауданы, Асан ауылдық мешітінің алдында ұлттық ойындар ойналды. Жігіттер арқан тартысып, қол күресінен сынға түсті. Боз кілемде белдесті. Білектілер гір көтерді. Жүлде қоры – қомақты болғандығын жеткізді.