Қызылорда облыстық әкімдігінде облыстық ішкі саясат басқармасының ұйымдастыруымен деструктивті діни ағым мүшелерімен жұмыс істеудің психологиялық әдіс-тәсілдерін үйрететін семинар-тренинг өтті.

«Оңалту жұмыстарының психологиялық аспектілері» тақырыбында өткен семинар-тренингте Қазақстан Республикасы Президенті жанындағы мемлекеттік басқару академиясының доценті Алмагүл Аяғанова мен Қорқыт ата атындағы ҚМУ-нің психология магистрі Райхан Аманбаева шараға қатысушы ҚМДБ-ның Сыр өңіріндегі мешіттерінің имамдары, ақпараттық түсіндірме тобы мүшелері және Дін мәселелерін зерттеу орталығының теолог мамандарына дәріс өткізді.

Дәріс барысында Алмагүл Жанділдәқызы деструктивті діни ағымдағы ерушілермен қарым-қатынас орнатудағы психологиялық әдіс-тәсілдері жөнінде түсіндірсе, Райхан Аманбайқызы психологиялық қысым көріп, зардап шеккен азаматтармен оңалту жұмыстарын жүргізу тәсілдерін үйретті.