Баянауыл ауданы Жаңажол ауылдық округіне қарасты Ескелді шатқалында әйгілі ғұлама, философ, ұлы ойшыл, ақын Мәшһүр Жүсіп Көпейұлының 160 жылдығына арналған ұлан-асыр той өтті.

Мерекеге жалпы 5000 мыңнан астам адам жиналды. Бұл күні ғұламаның рухына зиярат  ете келгендер көп болды. Кесене маңына отыздан астам ақ шаңқан киіз үй бой көтеріпті. Әрбір ауданның атынан құрылған ақбоз үйлердің барлығында тойға келген қауымға арналып дастарқан жайылса, жергілікті өнерпаздар далада құрылған үлкен сахнада әсем ән, күмбірлі күйден шашу шашты.

Алты алаштың басын қосқан жиында ғұламаның 20 томдық шығармалар жинағының сандық нұсқасының тұсаукесері болды. Сонымен қатар, таңдайларынан тәтті сөз төгілген ақындар айтысы мен дүбірге дүбір қосқан ат бәйгесі де осы жерде өтті.

Шараға құрметті қонақ ретінде қатысқан ҚМДБ-ның  Павлодар облысы бойынша өкіл имамы Бертымұратов Жолдас  ата-бабалар рухына Құран бағыштап, көрнекті ғалымдармен бірге Мәшһүр Жүсіп Көпейұлының шығармашылық мұрасын кейінгі ұрпаққа насихаттауға бағытталған республикалық ғылыми-тәжірибелік конференцияға қатысты.

Әйгілі ғұламаны еске алып өтіп жатқан бұл дүбірлі тойдан алған әсері туралы өкіл имам Жолдас Қоспақұлы тілшілерге берген сұхбатында: