Қазақстын мұсылмандары діни басқармасы, Маңғыстау облыстық орталық мешітінде жылдағы үрдіске сай балаларға арналған жазғы сауат ашу курсын ұйымдастырды. 100-ге жуық ер және қыз балалар күндізгі аусымда бір ай бойы имандылық әліппесін үйренді.

Жазғы курста балалар Құран оқуды үйреніп, күнделікті оқылатын дұғаларды жаттап білімдерін жетілдірді. Облыстық орталық мешітінің наиб имамы Қажымұхан Қамбарұлы үздік оқыған балаларды марапаттап, бабалардың барлығына сыйлықтар үлестіріп, тәттілер таратты. 

Ата-аналар дән риза болып, өкіл имам Смайыл Сейтбеков бастаған мешіт ұжымына өз алғыстарын айтып, жұмыстарына береке тіледі.