ҚМДБ Өскемен аймағы өкілдігі Бас мүфти Серікбай қажы Сатыбалдыұлы хазреттің атынан 3000 адамға сәресі дастарханын жайды.

«Халифа Алтай» мешітінің екі қанатына жайылған дастарханнан жамағаттар дәм татып, қасиетті Рамазанның берекетін сезініп, бірлік-берекенің үлгісін көрсетті.

«Қадір түніне келген жамағатқа сәресін ұйымдастырып отырмыз. Қасиеті Қадір түні салуатты деңгейде өтті. Жамағат ұлық айдың қасиетін сезінуде» деп атап өтті, ҚМДБ Өскемен аймағының өкіл имамы Ермек Қасболатұлы.

Сәресінен дәм татқан жамағат өкілдікке алғыстарын білдірді.