Қарағанды облыстық «Әнет баба» мешітінің ұйымдастыруымен ҚМДБның төрағасы, Серікбай қажы Ораздың атынан жамағатқа ауызашар дастарханы жайылып, зиялы қауым өкілдеріне ауызашар берілді. Ауызашарда Қарағанды облысының өкіл имамы Өмірзақ Бекқожа мырза келген жамағатқа құттықтау сөзін сөйлеп, уағыз насихат айтып, Бас мүфтидің ыстық сәлемін жеткізді. Қасиетті түні жайылған ауызашар дастарханында БАҚ өкілдері, зиялы қауым, ақын - жазушылар, спортшылар және қаламыздың белгілі азаматтары шақырылды. Ауызашар соңында қари Құран оқып, жамағат ел мен жердің амандығын тілеп дұға жасады.