Шығыс Қазақстан облыстық СЭС мамандары облыстық «Халифа Алтай» мешітінде болып, имамдармен кездесіп, оларға жұқпалы менингит ауруынан сақтану жайлы кеңес берді.

«Қазіргі таңда халықтың алаңдаушылғын туғызып отырған бұл ауру туралы халыққа жеткілікті, дұрыс ақпарат беру, аурудан сақтану жолдарын түсіндіру аса маңызға ие деп» атап өтті, мамандар.

Олар сонымен қатар имамдардың халықпен жиі араласатын болғандықтан көпшілік жиналған жерде адамдарға сақтық шараларын ескертіп, денсаулықты сақтаудың маңыздылығы жайлы насихат айта отырса деген тілектерін жеткізді.

Облыстық СЭС-пен «Халифа Алтай» мешіті өзара ынтымақтастық меморандумына қолы қойып, бірлесе қызмет етіп келеді.