Өткен аптада «Ақтөбе медресе колледжінде» 2017-2018 оқу жылының мемлекеттік емтиханы өтті. Оған ҚМДБ-ның Дін істері және талдау бөлімінің меңгерушісі Нұрбек Есмағанбет және өкіл имам Төлеби Оспан қатысып, шәкірттерден сынақ алды.

Емтиханға 15 бітіруші түлек қатысты. Олар қазақстан тарихы, иман негіздері, ислам шарттары пәндері бойынша алдын-ала әзірленген билет сұрақтарына жауап берді. Сондай-ақ, Құран оқу қырағаттары тексерілді.

Шәкірттердің барлығы сынақты сәтті тапсырып шықты. Соның ішінде, 4-уі оқу орнын үздік Дипломмен аяқтап отыр.

Сапар барысында ҚМДБ-ның Дін істері және талдау бөлімінің меңгерушісі Нұрбек Есмағанбет медресенің тыныс-тіршілігі, сондай-ақ, медресенің облыс орталығынан салынатын жаңа ғимаратының кешенді жобасымен танысты.