Арқалық қалалық «Мухтасиб Әлмұхаммед» мешітінің ұжымы демеушілер көмегімен жуырда ғана болып өткен халықаралық балаларды қорғау күніне орай қайырымдылық шараларын ұйымдастырды.

Олар әлеуметтік жағынан аз қамтылған отбасындағы бүлдіршіндерге киім-кешектер мен тәттілер беріп, шаттыққа бөлесе, «Ана мен бала» үйіндегі Жұлдыз есімді жас анаға қол ұшын созып, кішкене бөбегіне қажетті заттар мен киімдерді табыс етті.

Сондай-ақ, мешіт жамағаты Рүстем Асанханұлымен бірге шаһардағы ата-ана құқығынан айырылған сәбилердің көңілін көтеру мақсатында спорттық жабдықтар, яғни ойын доптары және басқа да заттарды сыйға тартты.