Жүздеріне қаяу түскен аға-буын өкілдеріне қамқорлық көрсету мен олардың жүрегіне жылы тиетін сөздерді айтып, жоғары көңіл-күй сыйлауды ҚМДБ-ның филиалы Тәжиден Батырұлы мешіті бас имамы Мейрамбек Ақылбекұлы Абдрахманов барша дін қайраткерлерінің басты қасиеттерінің бірі деп есептейді.

Жас та болса өмірді жақсы білетін, қарт кісілердің көңіл-күйлерін жете түсінетін бас имам барша ата-әжелерді Рамазан айымен құттықтады. “Нұр-Мүбарак” университетінің  студент қыздары мен қалалық кітапхана қызметкерлері, жас әнші-күйші жігіттер өз өнерлерімен қариялардың көңілін көтеріп, концерттік шара ұйымдастырды.  Өздерімен ала барған сыйлықтарын да табыс етті.