«Һибатулла Тарази» мешітінің әйел шәкірттеріне сертификат берілді

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 23:14:22

06 Мамыр 2026

19 Зулқағда 1447 Хижра

ДІНИ МЕРЕКЕЛЕР

«Һибатулла Тарази» мешітінің Баспасөз қызметі

asyldin.kz

30.05.2018

3569

0 пікір

– | A | +

«Һибатулла Тарази» мешітінің әйел шәкірттеріне сертификат берілді

Тараз қаласындағы орталық «Һибатулла Тарази» мешітінде оқу жылының аяқталуына орай «Діни сауат ашу курсының» шәкірттеріне сертификат табыстау рәсімі өтті.

ҚМДБ-ның Жамбыл облысы бойынша өкілі, «Һибатулла Тарази» мешітінің бас имамы Данияр Әлимұхамедұлы жиналған шәкірттерді оқу жылының аяқталуымен құттықтап өтіп, білім үйренудің маңыздылығына тоқталды.

«Білім – ақылдылық пен парасаттылықтың белгісі. Ақылды адам ой-қабілетімен бір нәрсені түсінуге тырысады. Сондықтан, білімді адам – жарық шам секілді. Пағамбарымыз хадис шәріпінде: «Білім алу – әрбір мұсылман ер мен әйелге парыз, – делінсе, тағы бір хадисінде: «Тал бесіктен жер бесікке дейін білім үйрен», – деп насихат айтылған.Қасиетті Құранның алғашқы түскен аяты білім алуға шақырды. «Иқра!» (Оқы!) деп басталған сөз «оқу мен жазуды игер» деген мағынаны береді. », - дей келе, қымбат уақыттарын құр өткізбей, әрбір әрпі сауапқа тұнған қасиетті Құран жаттауға арнаған шәкірттер қауымына өз алғысын білдіріп, жылы лебізін жеткізді.

Сондай-ақ, «ҚМДБ-ның 2020 жылға дейінгі білім беруді дамыту тұжырымдамасына» негізделген үш сатылы діни сауат ашу курсы бағдарламасының тиімділігі туралы да айтып өтті.

Бас имам Данияр Әлимұхамедұлы осыншама шәкірттерге аянбай адал еңбек етіп, білім берген ұстаздар Үсенова Зейнеп пен Алдасаева Гүлжанға да шынайы ризашылығын білдірді.

Биылғы жылы діни сауат ашу курсының оқу бағдарламасын тәмамдаған 130 шәкірттің 80 шәкіртіне арнайы мешіт сертификаты тапсырылды. Шәкірттер оқу жылы аясында «Құран әліппесін» тәмамдап, сондай-ақ, «Ғибадат» және «Ақида» сабақтары бойынша да білім алып шыққан. Бұдан басқа, мешіт басшылығының ұйымдастыруымен шәкірттер арасында түрлі білім жарыстары, спорттық ойындар мен ұжымдық серуендер ұйымдастырылып, ынтымақ пен бірлікке ұйысқан жамағат қалыптастыру жолында іргелі істер атқарылып келеді.