«Халифа Алтай» мешіті қайырымдылық концертін өткізді (ФОТО)

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 23:22:24

06 Мамыр 2026

19 Зулқағда 1447 Хижра

ДІНИ МЕРЕКЕЛЕР

«Халифа Алтай» мешітінің баспасөз қызметі

22.05.2018

3261

0 пікір

– | A | +

«Халифа Алтай» мешіті қайырымдылық концертін өткізді (ФОТО)

Шығыс Қазақстан облыстық «Халифа Алтай» мешіті Өскемен қаласында қасиетті Рамазан айында қайырымдылық концертін өткізді. Қайырымдылыққа бағытталған бұл шараға Өскемен қаласындағы өнер жұлдыздары түгелдей қатысып, әсем ән, күмбірлі күй төгіп, көрермен қауымды бір серпілтіп тастады.

Концерттің соңында ҚМДБ Өскемен аймағының өкіл имамы Ермек Қасболатұлы сөз сөйлеп:

«Рамазан-мейірім айы. Біз өкілдіктен бұл айды ауқымды қайырымдылық шарасымен бастап отырмыз. Бүгінгі өткізіп отырған шара бір жағынан халықты өнермен сусындату болса, бір жағынан көмекке зәру отбасыларға жан шуағын сыйлау, халықты қайырымдылыққа баулуға бағытталды. Сіздер көңіл көтеруге емес, қайырымдылық жасауға келіп отырсыздар, Тамшыдай болса да қосқан үлестеріңізге Алла сауаптар жазсын»,- деп атап өтіп, көрермендерге және өнерпаздарға алғысын білдірді.

Билет сатудан түскен 250 мың теңге көлеміндегі қаражатты өкіл имам сахнада көмекке емделуге қаражаты жетпей отырған екі балаға және отбасында қиыншылығы бар жанға табыс етті.

Концертке жиналған көрермендер және көмекке ие болғандар осындай игі шара ұйымдастырып, мұқтаждарға қарлығаштың қанатымен су сепкендей болса да көмек жасаған ҚМДБ-ның Өскемен аймағы өкілдігіне ақжарма алғыстарын білдірді.