ДІНИ МЕРЕКЕЛЕР 
«Халифа Алтай» мешітінің баспасөз қызметі
17.05.2018
2775
0 пікір
Қасиетті Рамазан айының алғашқы тарауих намазы Шығыс Қазақстан облыстық «Халифа Алтай» мешітінде оқылды. Алдымен ҚМДБ Өскемен аймағының өкіл имамы Ермек Қасболатұлы жамағатты қасиетті Рамазан айымен құттықтады.
Өкіл имам:
«Рамаза-Құран айы. Құран-исламның негізгі діңгегі. Барлық кітаптар бір ғана кітап-Құранды түсіндіру үшін жазылған. Рамазан-рахым мен мейірімнің айы. Ұстаған оразамызға, игі амалдарымызға Алла сауаптар жазатын ай. Сондықтан ораза тұтып, Аллаға жақындап, ниет, пейілімізді түзеп, рухымызды оятудың тамаша орайы»,- деп оразаның сауабын ерекше атап өтті.
Бұдан соң өкіл имам Рамазан айында мешітте Құран хатым оқитын Түркия елінен келген қариды жамағатқа таныстырды. Өңірге келген 3 қаридың әр аудандарға бөлінгендігін атап өтті.
«Алыстан қасиетті Рамазан айында Құран хатым оқуға келген қаридың қадамын Алла сауаптан жазсын»,- деп, ізгі тілек білдірді.
Осылайша өңірдің барлық мешіттерінде қасиетті айдың алғашқы тарауих намазы ерекше ықыласпен оқылды.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру