Алматы қаласы Орталық мешітінің Бас имамы Еркінбек қари Керімбекұлы және ҚМДБ халал стандарт бөлімінің маманы Бауыржан Әлиұлы еліміздің бетке ұстар танымал басылымдарының бірі «Айқын» газетінің бас редакторы Нұртөре Жүсіп бастаған ұжымымен жүздесті.

Қасиетті айдың қарсаңындағы бұл кездесу көпшілік үшін өнегелі болмақ. Қолдарына қалам ұстап елдің мүддесі үшін тер төгіп жүрген редакция ұжымы шариғаттың әрбір амалы тек қана іліммен жасалу қажеттігін тереңнен түсініп, елімізге белгілі дін мамандарын арнайы қонақ етті. Кездесу барысында журналистер тарапынан қойылған қасиетті Рамазан айына байланысты сауалдарға тұщымды жауаптар берілді. Сондай-ақ, қоғамдағы болып жатқан өзекті мәселелер төңірегінде де әңгіме өрбіді.