ДІНИ МЕРЕКЕЛЕР 
ҚМДБ баспасөз қызметі
10.05.2018
3116
0 пікір
ҚМДБ-ға қарасты «Зекет қоры» 9- Мамыр Жеңіс күніне орай Ұлы отан соғысының ардагерлеріне «Біз ерлікті ұмытпаймыз» атты мерекелік шара өткізді. Шара аясында қор қызметкерлері қариялардың үйін аралап, мерекелерімен құттықтап, хал-жағдайын сұрасты. Алпауыт соғыста кеудесін оққа тосқан ер жүрек аталарымыздың ерлігіне бас иіп, гүл шоқтары мен қаржылай сияпат табыс етті.
Өз кезегінде Ұлы Отан соғысының ардагерлері Рахметжанов Алхам, Ковтун Петр, Толғанбаев Тәңірберген майдан даласындағы көрген қиындықтары туралы суық естеліктерімен бөлісіп, Жеңіс мерекесіне орай құрмет көрсеткен «Зекет қоры» басшылары мен қызметкерлеріне ақ батасын берді.
«Күннен күнге қатары азайып бара жатқан батыр аталарымыздың ерлігін ұмытпау, әрдайым қастер тұту біздің борышымыз болып қала бермек. Ел тұтастығы мен халық тыныштығын сақтап қалған ардагерлерге деген бұл ізетіміз оларға деген зор құрметіміздің бір белгісі»,- деді шара ұйымдастырушылары.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру