ҚМДБ-ның БҚО облысы бойынша өкілдігіне қарасты қала, аудан имамдарының 2018 жылғы алғашқы басқосуы «Орал» орталық  мешітінде өтті.

Жиналысқа облысқа қарасты қала, аудан имамдары толығымен қатысты. Бас имам Еркебұлан Қарақұловтың басқаруымен өткен бұл жиында аталмыш имамдардың 2017  жылы атқарылған іс-қызметтер есебі, жат ағыммен жұмыстар есебі, «Нұр Мүбарак» университеті мен медреселерге шәкірттер дайындау барысы, ҚМДБ-нан бекітілген бесін, ақшам намазынан кейін айтылатын уағыздар барысы, келе жатқан «Қасиетті рамазан»  айының  дайындық жұмыстары талқыланды.

Мінберге кезегімен көтерілген қала, аудан мешітінің бас имамдары өткен жылы атқарған жұмыстарының есебі тыңдалып, 2018 жыл шыққаннан бергі қызметтеріндегі жаңа бастамаларымен таныстырып, өкіл имамның қойған сұрақтарына жауап берді.

Сонымен қатар, өз әріптестеріне үлгі боларлық тәжірибелерімен бөлісті. Қызмет барысында кездесетін кейбір мәселелерді ортаға салды. Алдағы мерзімде атқаратын шаралар жоспарын талқылап, пәтуаға келді.

Жиын соңында бас имам Еркебұлан Ыбырайымұлы жұмысын табысты атқарған қала, аудан имамдарына алғыс айтып, дұға  жасады.