«100 ҮЗДІК ИМАМ» МЕН «ҮЛГІЛІ МЕШІТ» АНЫҚТАЛАДЫ

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 01:48:19

07 Мамыр 2026

20 Зулқағда 1447 Хижра

ДІНИ МЕРЕКЕЛЕР

kazislam.kz

27.04.2018

4428

1 пікір

– | A | +

«100 ҮЗДІК ИМАМ» МЕН «ҮЛГІЛІ МЕШІТ» АНЫҚТАЛАДЫ

Қазақстанда ең білікті имамдарды анықтау мақсатында биыл "100 үздік имам" байқауы ұйымдастырылады. Байқау арқылы таңдалған үздік имамдарға сыйақы беріледі.

«Біз ҚМДБ-мен бірлесе отырып, ел аумағында ең білікті дін мамандарын арнайы конкурс арқылы таңдауды көздеп отырмыз. Қазір "100 үздік имам" байқауын ұйымдастыру бойынша жұмыстар жүргізіліп жатыр. Сыйақы мөлшері анықталуда. "Уақып" қорының қамқорлық кеңесінің отырысында ол сома нақтыланып, бекітіледі»,- деді ҚР дін істері және азаматтық қоғам министрлігі дін істері комитеті төрағасының орынбасары Балғабек Мырзаев ОКҚ-де өткен баспасөз мәслихатында.

Ал ҚМДБ төрағасының орынбасары, наиб-мүфтиі Бауыржан Есмахан жаңа жобаға қатысты діни басқарманың да ұсыныстары бар екенін айтты. «100 үздік имам» тың әрі жақсы жоба. Дін істері және азаматтық қоғам министрлігінің дін істері комитеті ұсынып отыр. 2-ші республикалық имамдар форумында "ХХІ ғасырдағы зияткер имам" деген тұжырымдама қабылданған болатын. Соның негізінде 100 имамды таңдап алу, оларға көмек жіберу жоспарланып отыр. Жаңа жоба болғаннан кейін біздің де ұсыныстарымыз болады. Соның ішінде, жақсы көзге түскендерге сый ретінде қажылыққа алып баратын компаниялар арқылы үлкен немесе кіші қажылыққа жолдама беруге болады. Ондай мүмкіндік бар» деді бас мүфтидің орынбасары.

Сонымен қатар, оның айтуынша, діни басқарма биыл еліміздегі ең үлгілі мешітті анықтайды.

«Діни басқарма "Үлгілі мешіт" байқауын бұрын өткізген болатын. Биыл соны жалғастырғалы отырмыз. Үлгілі мешітті анықтау кезінде оның тек сыртқы көрінісі ғана емес, сондағы имамдардың жамағатпен жұмыс істеуі, мешіттің ішкі-сыртқы тазалығы ескеріледі» деді наиб мүфти.

Пікірлер (1)

Тіркелген қолданушылар ғана пікір қалдыра алады. Сайтқа кіру

Daulet | 02.05.2018 03:46

Ассаламуалайкум құрметті Бас мүфти Серікбай қажы хазірет!

Алла Тағала жасап жатқан игі істеріңізге береке берсін! Осы жобаның өту барысы барша дін қызметкерлеріне талпыныс берері хақ. Осындай жақсылықта жарысатын істеріңіз молынан болсын.

Үлгілі мешіт байқауын әр облыста қалалық және аудандық мешіттер арасындаіріктеу өткізілсе, онда мешіттің бір қызметкері мешіттің сұлбасы мен суретіне және көрсетілетін қызмет жайлы толық ақпарат беріп, қорғаса. облыстан іріктелген мешіт Республикаға жолдама беріліп Астана қаласында Республиканың Үздік немесе Көрікті мешіттер көрмесі өткізіліп, мешіттердің макеттері қойылса. Бұл ұсынысым іске асырылса 1-шіден әр өңірдегі мешіт қызметкерлері мешітке келуші кез келген қонақты жоғары сапамен қарсы алып Мешіт жайлы толымды ақпарат берер еді әрі ізденіс артар еді. 2-шіден Елорда тұрғындары мен қала қонақтары Республиканың әр өңірінен келген көрікті мешіттерді макетін көздерімен көрер еді

3-ден Мешіттердің көрсететін қызметтері жайында БАҚ өкілдерінің бірі білсе бірі білмес. осы жоба аясында әр өңірден келген қатысушылар өңірлердегі мешіттердің қызметі мен сапасын атап көрсетер еді. Сондай ақ дін қызметкерлері үшін тәжірибе алмасуға да қолайлы болар еді.

Ізгі ниетпен,
Дәулет Қайратұлы