Магистранттар мемлекеттік емтиханды сәтті тапсырды

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 01:14:34

07 Мамыр 2026

20 Зулқағда 1447 Хижра

ДІНИ МЕРЕКЕЛЕР

Магистранттар мемлекеттік емтиханды сәтті тапсырды

Нұр-Мүбарак университетінің баспасөз қызметі

18.04.2018

3301

0 пікір

– | A | +

Магистранттар мемлекеттік емтиханды сәтті тапсырды

Нұр-Мүбарак университетінде магистратура бөлімінің биылғы түлектері мемлекеттік емтихан сынағын аяқтады. Дінтану, Исламтану саласында екі жыл білім алып, ғылым әлеміне алғашқы қадамдарын жасап үлгерген магистарнттардың білімін саралауда мемлекеттік емтихан аса жауапты. Биыл мемлекеттік комиссияға төрағалықты Қазақстан мұслымандары діни басқармасының төрағасы, Бас мүфтидің Бас кеңесшісі, Ғұламалар кеңесінің мүшесі, филол.ғ.д. Мұхаммад-Хусейн Алсабеков атқарды. Мемлекеттік емтихандардың соңғы легін болашақ дінтанушы-магистрлар аяқтады. Ғалымдар тобы шәкірттердің білімін мұқият саралап, нәтижелерін жариялады. Қорытындылау сәтінде комиссия төрағасы шейх Мұхаммад-Хусейн Алсабеков болашақ түлектерге:

"Біздің елімізге өздеріңдей білімді мамандар керек. Қазір жастардың білімге деген құштарлығы, ұмтылысы ерекше қуантады. Сондықтан, білім-ғылымға ұмтылған жастарға үнемі қолдау көрсетіп, білгенімізді айтуға дайынбыз. Бірақ білім жолында тоқтап қалмау керек, біз бала кезден білімге ұмтылсақ та, әлі өзімізді ұстаздар алдында шәкірттей сезінеміз. Дін саласы да телегей теңіз ілім әлемі, осы ғылым баспалдағына жасаған қадамдарың мығым, ілімдерің елге пайдалы болсын", – деп жылы лебізін білдірді.

Дінтану кафедрасының меңгерушісі, РһD, қауымдастырылған профессор Қалмахан Ержан емтихан кезіндегі жағдайларға тоқталып, алдағы магистрлік диссертацияны сәттілікпен қорғауға тілектестік білдірді.