ДІНИ МЕРЕКЕЛЕР 
Шығыс Қазақстан облыстық «Халифа Алтай» мешітінің баспасөз қызметі
18.04.2018
3262
0 пікір
ҚМДБ Өскемен аймағы өкілдігінің ұйымдастыруымен Шығыс Қазақстан облыстық «Халифа Алтай» мешітінде «Жат ағымдарға қарсы күрес және әдістемелік мәселелер» атты 3 күндік өңірлік семинар өтті. Шараға облыстық «Дін мәселелерін зерттеу орталығының» басшылығы және онда қызмет атқаратын теолог мамандар, жоғарғы білімді имамдар, ұстаздар қатысты.
Жиында ҚМДБ Өскемен аймағының өкіл имамы Ермек қажы Қасболатұлы:
«Жат ағымдардың алдын алу, онымен күресте имамдардың белсенділігін арттыру, бүгінгі таңдағы келелі міндеттердің бірі. Бүгінгі басқосудың нәтижесінде біз ЖАНТ мүшелерін жаңадан жасақтап, нақты міндеттер белгілеп, мемлекеттік мекемелермен бірлесе отырып, нәтижелі қызмет атқару үшін арнаулы жоспар жасадық. Жүйелі жұмыстар оң нәтиже беруі тиіс» дей келе, өңірдегі имамдарға бүгінгі таңда ерекше міндет жүктеліп отырғандығын жеткізді.
Шарада облыстық «Дін мәселелерін зерттеу орталығының» басшысы Е.Қыдырмоллаев жат ағымдармен күрестің маңыздылығына тоқталды. Семинарда теолог С.Тәжібаев жат ағымдармен күрестің әдістемесінен дәріс берді.
Басқосудан соң ЖАНТ мүшелері кері ағымдардың жол картасы бойынша аудандарға іс-сапарға аттанды.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру