Ақтөбе облыстық орталық «Нұр Ғасыр» мешітінде жақсы үрдіс – «Сауал сағаты» қолға алынды. Бастамадағы басты мақсат – жамағатпен жақынырақ танысып, олардың сауалдарына жауап беру, ұсыныс-тілектерін тыңдау, мешітке жаңа қадам басып келген бауырларымызға дұрыс бағыт-бағдар беру болып табылады.

Мұнда мешіт имамдары жұма намазынан кейін жамағатқа қысқа уақыт уағыз-насихат жүргізеді. Кейін жамағат сауалына жауап беріледі.

Осымен 3-ші мәрте өтіп жатқан сабаққа 70-ке жуық жамағат қатысып, олардың 30 сұрағы тыңдалды. Сауалдар мазмұны дәрет алу, намаз оқу тәртібі, намаздағы қателіктер, жолаушы намазы, зекет, ораза секілді құлшылық бабы төңірегінде. Сондай-ақ, неке, отбасы мәселелері де қатар қамтылуда.