ҚМДБ-ның Алматы қаласы бойынша өкіл имамы Еркінбек Шоқай Жетісу ауданындағы бірқатар мешіттерді аралап, жамағатпен жүздесті.

Атап айтқанда, «Али-Мұхаммед» мешітінде екінті намазының алдында «ауызбіршілік» тақырыбында уағыз айтып, тыныштық пен татулықты сақтаудың маңыздылығын атап өтті. Мешіт аумағында орналасқан медресе, спорт алаңы, бау-бақша, асхана сынды ел игілігі үшін қызмет етіп тұрған нысандарды аралады.

Кейінгі кезекте, аудандық «Әл-Мадина» мешітінің тыныс-тіршілігімен танысқан Бас имам ақшам, құптан намаздарын өткізіп, екі аралықта жиналған жұртшылық пен «Әбу Ханифа» медресесінің шәкірттеріне «Ықылас» тақырыбында уағыз айтып, білім алу жолында қажетті әрі пайдалы кеңестерімен бөлісті.