ДІНИ МЕРЕКЕЛЕР 
Шығыс Қазақстан облыстық «Халифа Алтай» мешітінің баспасөз қызметі
27.03.2018
3211
0 пікір
ҚМДБ Өскемен аймағы өкілдігі тасқыннан зардап шеккендерге көмек көрсету мақсатында ұйымдастырған «Шығыстың асары» атты акциясының аясында Шығыс Қазақстан облыстық «Халифа Алтай» мешіті 10 тоннадан астам азық-түлікпен, киім-кешекті су тасқынынан зардап шегіп отырған ауылдарға бөліп таратып жатыр.
Қазіргі таңда өкілдіктің қызметкерлерінен құралған топ су басқан ауылдарды көріп, нақты кімдерге, қандай көмек қажет екендігін анықтап, жергілікті әкімдіктермен бірлесе қызмет атқаруда.
ҚМДБ Өскемен аймағы өкіл имамы Ермек қажы Тасболатұлы:
"Өкілдіктен арнаулы жұмыс тобын құрып, тасқыннан зардап шеккен халықпен тығыз байланыста жұмыс жасап жатырмыз. Қазірдің өзінде Ұлан, Глубокое аудандары мен Согра қатарлы бірқатар ауылдарға әрқайсысына 1 тоннадан астам ыстық тамақ, азық-түлік, тұрмысқа қажетті заттармен көмек жасадық. Бүгін Өскемен қаласының іргесіндегі Согра ауылына 120 адамға ыстық тамақ таратып жатырмыз. Аудан мешіттеріне су басқан үйлердің тұрғындарына және тасқынмен арпалысып қызмет көрсетіп жүрген адамдарға ыстық тамақ беру туралы тапсырма берілді" деп атап өтті.
Қиналған сәтте барынша көмек көрсетіп жатқан дін қызметкерлеріне ел-жұрт алғыс айтуда.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру