Жылдағы үрдіске сай маңғыстау жұрты айтулы мерекені жоғары деңгейде атап өтуде. Игі шараның жалғасы ретінде Облыстық орталық мешіті жұма намазына келген жамағатқа ұлттық тағаммен құрмет көрсетілді.  

Күндердің төресі қасиетті жұма күні құлшылығын жасап болған жұртқа өкіл имам Смайыл қажы Сейтбеков бастаған мешіт қызметкерлері және Алла үйінің белсенді жамағаттары, ақ жаулықты әжелер мен әйелдер жамағаты наурыз көже ұсынды. Мешітке келушілер дәстүр бойынша бидай, тары, сүр ет, бұршақ, сүт, су, тұз сияқты астықтар қосылып әзірленген ұлттық тағам – наурыз көже мен бауырсақтан дәм татты.