Ұлыстың ұлы күні Наурыз мейрамы қарсаңында ҚМДБ Өскемен аймағы өкілдігі «ҚМДБ Төрағасы, Бас мүфти Серікбай Ораздың жүлдесі» үшін «Ислам және отбасы» жылы аясында «Металлургтер» мәдениет сарайында «Наурыз айы келгенде...» атты облыстық ақындар айтысын өткізді. Дүбірлі додада Шығыс Қазақстан облысының жүйрік айтыскерлерінің арасынан іріктелген 10 ақын бақ сынады.

Айтысты ашып, сөз сөйлеген ҚМДБ Өскемен аймағы өкіл имамы Ермек қажы Тасболатұлы:

Қазылар алқасының төрағасы, Қазақстан жазушылар одағының ШҚО филиалының Төрағасы, жазушы Әлібек Қаңтарбаев кілең жүйріктерді бағалау қазылар алқасына да оңайға түспегенін айта келе, әйтседе әділ бағаланғандығын жеткізді. Айтыста Бас бәйге, «Бас мүфти Серікбай қажы Ораздың жүлдесі» Үлкен Қажылықтың сертификаты елімізге танымал жас айтыскер Қуаныш Еркінұлына бұйырды. 1-орынды семейлік жас ақын Серік Қуанған, келесі орындарды Фархат Маратұлы, Гүлжан Ықыластар еншіледі.

Жүлдегерлер мен жүлдеге ілікпеген ақындарға Өскемен қалалық мешіттерінің атынан қаржылай сыйлық табыс етілді.  

Марапаттау шарасы кезінде өкіл имам Ермек қажы Тасболатұлы мешіттің мәдени-рухани шаруаларына көмек көрсетіп келе жатқан әрі өңірде айтыс өнерін барынша насихаттап жүрген айтыскер ақын Аслан Ғафуровқа умра қажылығының сертификатын табыс етті.

Айтысқа жиналған халық өкілдікке шын көңілдерімен алғыс айтып тарқасты.