Қазақстан мұсылмандары діни басқармасының  Оңтүстік Қазақстан облысындағы өкілдері Нұр-Мүбарак университетіне келді. Өкіл имам орынбасары Мұсабек Ақтанберді мен Шымкент медресе-колледжінің директоры Талғат Әсембай оңтүстіктің студенттерінің басын қосып, аймақтағы ахуалмен таныстырып, білікті мамандардың қажеттігін алға тартты.

Сондай-ақ, Республикалық медресе-колледжаралық олимпиадада алтын кубокті иеленген Шымкент медресесінің директоры Талғат Әсембай да болашақ түлектер арасынан ұстаздыққа, әсіресе әйелдер бөлімдеріне  шақырды. Осыған дейін университет түлектерін имамдыққа, түрлі әкімшілік саладағы теолог маманы болуға шақырып келсе, медресеге ұстаздыққа алғаш рет арнайы ұсыныс жасалуда.    

Дәл қазір Нұр-Мүбарак университетінде ОҚО-нан 200-дей шәкірт білім алуда. Мұсабек Ақтанберді университет түлектері тек имамдық салаға ғана емес, түзету мекемелері, департамент, қылмыстық-атқару жүйесі департаменттері, ұлттық қауіпсіздік комитеттеріне сұраныс артуда. Ел арасындағы жат ағым жетегіндегілермен күресуде жоғары білімді мамандардың мерейі үстем түсуде. Осындай жағдайларды алға тартқан шымкенттік өкілдер болашақ түлектерді оңтүстік өңірге қызмет етуге шақырды.