Жуырда Рудный қалалық «Нұр» мешітінде «Ислам және отбасы» жылы аясында мешіт қызметкерлерінің ұйымдастыруымен әйел-қыздар жамағатының дөңгелек үстелі өтті. 

«Ислам мәдениетіндегі әйелдің мәртебесі» тақырыбында басталған жиынды бас имам Азамат Серікбайұлы ашып, Ислам дініндегі әйел мәртебесі жайында сөз қозғады. Дөңгелек үстелген арнайы келген Қостанай әйел-қыздар секторының өкілі Гүлдана Жаңабайқызы аса маңызды тақырыпты одан әрі жалғастырды.  Исламдағы әйелдің отбасында алатын орнын қатысушыларға өзіндік ойлы-пікірімен жеткізді.

Сонымен қатар, ел арасында абыройлы ақ жаулықты аналарымыздың ақ батасын алды.

Отбасы – қоғамның негізі. Ендеше тәуелсіз еліміз бұдан да өркендеп, әлемдегі дамыған 30 елдің қатарына қосылу үшін әрбір шаңырақ бақытты ғұмыр кеше берсін деген ізгі тілектеміз.