Көктем мезгілі келгенде әдеттегідей айналаның тазалығы, арық көздерін ашу, ағаш отырғызу, ағаштарды бұтап, түбін әктеу үрдіске айналған. Осындай игі шара 17 наурыз сенбі күні Маңғыстау облыстық орталық мешітінде ұйымдастырылды. Сенбілікті өкіл имам С.Сейтбековтың өзі бастап мешіт ұжымы, жамағаттар мен ақсақалдар қатысты. Мешіт ауласындағы жеміс ағаштарын бұтап, түптерін қопсытып, тыңайтқыштар төгіп, ағаштар отырғызылды.

Мешіт ауласы үлкен болғандықтан, көбінесе жеміс ағаштары егілу жоспарлануда. Себебі, жеміс ағашын еккен адам үшін жемістің өнімінен кім пайдаланса, тіпті құс жесе де сауабы тиетіні хадисте айтылған.