Алматы орталық мешіті «Ислам және отбасы» жылы бастамасына орай «Киім-кешек» қайырымдылық акциясын ұйымдастырды. Игі шараға бас имам Еркінбек Шоқай, танымал әнші Ернар Айдар, «Ummet»  қайырымдылық қорының басшысы Мұхаммедәмин Құрманәли қатысып, балаларға сыйлық тарту етті.

Бас имам Еркінбек Шоқай балаларға тәлім-тәрбие жайында уағыз айтып, болашақта елінің патриот азаматтары болуы керектігін түсіндіріп, батасын берді.

«Мектеп сөмкесі» акциясында Алматы орталық мешіті мен жоғары мəртебелі Елбасымыз Нұрсұлтан Əбішұлының тікелей қамқорлығымен, Дін істері жəне азаматтық қоғам министрі Нұрлан Байзақұлының   бастамасымен  құрылған «Уақып» қазақстандық қоры» корпоративтік қайырымдылық қоры, «Ummet» қоғамдық қорының демеушілігімен 250 отбасыға көмек көрсетілді. Игі шарада бүлдіршіндерге мектеп сөмкесі мен жаздық киім-кешек тарту етілді.