"Жұмақтың кілті ананың табанының астында" деп хадисте айтылғандай, Отырар ауданында аналар мейрамы қарсаңында түрлі шаралар өтті. Аудан орталығынан басталған шара ардагер ақ жаулықты аналарға жайылған ақ дастархан басында аудан әкімінің құттықтауынан басталды. Аудан, ауыл имамдары да түрлі шара барысында ардақты аналарымызды, аяулы қарындастарымызды құттықтап, өз лебіздерін білдіріп, сый-сияпаттарын тапсырды. Отырар ауданының имамдары айтулы мерекеге өз үлестерін қосып, аналарды ардақтауды елге үлгі етті.