ДІНИ МЕРЕКЕЛЕР 
Алматы орталық мешітінің баспасөз қызметі
07.03.2018
3483
0 пікір
Бүгін Алматы қаласының бас имам Еркінбек Шоқайдың ұйымдастыруымен әйел ұстаздардың жиналысы өтті. Мәжіліске орталық мешіттің наиб имамдары мен қала мешіттерінің әйел ұстаздары қатысып, алдағы атқаратын жоспарларын талқылады.
Наиб имам Жорабай Ақбердіұлы, ұстаз Талғат Сапанов және әйел-қыздар секторының өкілі Маржан Оразанбайқызының жетекшілігімен өткен мәжілісте діни сауат ашу курсы, үгіт-насихат, жат ағыммен жұмыс, ислам және отбасы жылына байланысты ұйымдастырылатын шаралардың жоспары т.б. бағыттар бойынша жұмыс барысы талқыланды.
«Ислам дінінің асыл құндылықтарын әйел затына насихаттайтын, жеткізетін сіздер. Бұл бағытта қызмет етуге барлық мүмкіндік жасалып отыр. Қазақстан мұсылмандары діни басқармасы да қолдау көрсетіп, «Әйел қыздар секторын» құрды. Осы арқылы әйел ұстаздардың діни саладағы жолы айқындалып, бағыты нақтылана түсті. Осы бағыт бойынша жұмыстарымызды сәт сайын жетілдіруіміз тиіс. Әр қызметкер өзіне жүктелген міндетті жауапкершілікпен, ыждаһаттылықпен орындауы керек», – деп атап өтті Жорабай Ақбердіұлы.
Шара соңында Жорабай Ақбердіұлы мен Талғат Сапанов әйел ұстаздарға тілектер айтып, мерекелік сыйлықтарын тарту етті.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру