Бүгін Нұр-Мүбарак университетіне Ресей Федерациясының Саратов облыстық мұсылмандар діни басқармасының өкілдері келді. Саратовтық мұсылмандар басшыларын Нұр-Мүбарак университетінің тыныс-тіршілігі, білім беру жүйесі ерекше қызықтыруда. Себебі, Нұр-Мүбарак университетіндей әлеуеті жоғары оқу орны ТМД аймағында жоқтың қасы деген ойларын жеткізді. Ресей мүфтилер Кеңесінің Тең төрағасы Муқаддас Бибарсов:

Мүфти кеңесшісі Қайрат қажы Иржанов, Аппарат жетекшісі Ілияс Богатырев, имамдар Жалғас Ибатов, Серікбай Ирканалиев мырзалардың ыстық лебізіне ректор, профессор Жуда Басюни алғысын білдіріп, әріптестікке әрқашан дайын екендігін жеткізді. Талапкерлерді оқытуда университеттің дайындық курсының да тиімділігі сөз болды. Ресейден келуші талапкерлер осы ҚР ЖОО қабылдау шартына сай қабылданатынын, жатақханамен қамтамасыз етілетіні айтылды. Сондай-ақ, ресейлік делегацияны профессор Жуда Басюнидің араб тілін оқыту орталықтарын ашуға қатысты ұсынысы қызықтыра түсті.

Қос тарап кездесу барысында екі жақты ынтымақтастық меморандумына қол қойды. Ресми қабылдаудан кейін қонақтар университет кешенімен танысты.